مش قادر
مش قادربقلم الشاعر : حازم سعيد ( أبو عبدالله )
مش قادر أمسك على قلمي من كُتر البرد
بجري على بيتنا وبتغطى بالطول والعرض
فلاح بالهمة شايل فاسه بيشق الأرض
وعياله خدودهم م الساقعة بقوا لون الورد
ومراته ف ضهره بتساعده وتصون العرض
وتجيب له المايه يتوضى ويصلي الفرض
مش قادر أمسك على قلمي من كُتر البرد
بجري على بيتنا وبتغطى بالتول والعرض
وعساكر واقفين في الخدمة متقولش أُسود
الكنجي يسلم لبرنجي مش هايبين موت
واتعاهدوا وقالوها قوية وبعلو الصوت
نفديكي يابلدي بأروحنا ولا حد يفوت
مش قادر أمسك على قلمي من كُتر البرد
بجري على بيتنا وبتغطى بالطول والعرض
وعيال في الشارع مرميه ولا أب وأُم
يتغطوا بغطوة عربية في الجو السم
وبتصحى عيونهم مفزوعه على بوكس يلم
ماخدوش م الدنيا وأيامها غير شيل الهم
مش قادر أمسك على قلمي من كُتر البرد
بجري على بيتنا وبتغطى بالطول والعرضادر
مواضيع ومقالات مشابهة
