همـــــسة حـــــــب
همـــــسة حـــــــبكتب ممدوح نصر يمانى :
طيفك يا غاليه بيمر عليا مرار الكرام
قوليله يرحم كده وكفايه حرام
عيونى من ساعة ما شافت عيونك
لاباكل وبشرب ولا عارف أنام
وحاسس إن عمرى إبتدا يادوب من أيام
ياريت تحسى بالى بيجرالى
وترحمى حالى من عذاب الزمان
حبيتك حب غالى لايتوصف ولا يتقدر بمال
حبى ليكى كل العشاق يتعلمو منه
ويضربو بيه الأمثال
كل أمنياتى حبى يفضل فى قلبك
وأشوفك فى أحسن حال
ولما نتقابل أحضنك وأبوس جبينك ده حلم
نفسى أحققه وكان بالنسبالى محال
حروفك وكلامك ما سمعتش أجمل منهم
لما يكونو نابعين من القلب والوجدان
بطير من السعاده وأكون أسعد إنسان
ولو لفيت العالم مش هلاقى زيك
أحبها وأكون متيم بيها ولهان
أفديها بعمرى كله وأأتمنها على قلبى
وأديها كل الحب والحنان
ومع كل دقة قلب أقولك
إنتى رمز الوجود والأمان
معاكى حبيبتى أتعلمت الحب
وليكى بقول أجمل كلام
حبيتك وبحبك بقولها فى كل وقت وأوان
كل كلام العشق قلته وإحاسسى
يقول ما قولتش ويسكت اللسان
ومهما أوصف من مشاعر
بعجز عن الوصف التام
كـــلمــــات الشـــاعـــر
ممــدوح نصــر يمـــا نـــى
مواضيع ومقالات مشابهة
