اتكلمىيامصر قولى .. اتكلمى ولّا انتِ مش ناوية الكلام ؟ يامصر قولى و فسرى ليه الفرح مليان آلام ؟ ليه الصديق مابقاش صديق ليه الطريق مابقاش أمان ؟ ليه الشمس حجبت ضيها والضلمة غطت ع المكان ؟ ليه النفوس اتغيرت والعنف باين فــ الكلام ؟ ليه دمانا سالت ع الطريق والقتل ليه أصبح حلال ؟ ليه الكلام أصبح حروف متنطورة من غير وصال ؟ ليه الحزن خيم ع الوشوش والفرح هاجر من زمان ؟ تفتكرى هربان مننا ولّا احنا أدمنا الخصام ؟ يا مصر قولى .. اتكلمى إمتى يعود ليكى الأمان ؟ من ديوان حلم شاعر 11059\2014 محمد الدليل
مواضيع ومقالات مشابهة
